| Vistedit es una entrepresa de premsa en lenga occitana. Vistedit publica un setmanièr d'informacion LA SETMANA. Aqueste setmanièr existís dempuèi 1995. Cada setmana que son informacions culturalas, politicas, economicas, socialas pertocant l'espaci occitan e la rèsta del Monde. Vistedit publica tanben doas revistas pels mainatges, PLUMALHON e PAPAGAI Enfin, Vistedit vos prepausa tanben de libres pels mainatges. Planvenguda sul site de Vistedit ! Trobaretz sul site de Vistedit informacions pertocant nòstras revistas de segur mas tanben de causas que trobaretz pas dins aquelas revistas. Per exemple trobaretz dins los dossièrs pertocant La Setmana de fòtos suplementàrias qu'avèm pas podut publicar dins las paginas del setmanièr. Trobaretz tanben per escotar. Son de tròces de las entrevistas que realizam per far nòstres articles. Podètz atal ausir çò que nos servís de matèria per redigir nòstres articles e per far nòstre trabalh de jornalistas. Se volètz l'integralitat de çò que se tròba dins La Setmana vos calrà abonar. Avèm pas la possibilitat de daissar gratuitament tot lo contengut del setmanièr a disposicion del public. Vivèm dels abonaments e donc de la fidelitat de nòstres lectors. Donc avètz comprés, vos cal abonar se trobatz que las causas que son sus aqueste site vos donan enveja de ne saber mai e de legir cada setmana las informacions en occitan, a l'ostal. Es la meteisssa causa per Plumalhon e Papagai. Vos prepausarem de causas mai que çò que i a dins las revistas. Dins qualques setmanas los petits poiràn escotar de tèxtes que son publicats dins Papagai. Los lectors de Plumalhon poiràn veire mai de fòtos que sus la revista. Abonatz-vos ! |
 |
