"Arrèstan los trins dos còps per setmana"

Fa mai d'un an que la batalha dura, mas aqueste còp es entre las mans de la justícia que la causa se reglarà. Cal dire que l'operacion a de qué far pèrdre paciéncia a la SNCF. S'agís de refusar la causida de la societat dels camins de fèrre que prenguèt la decision que los trins que s'arrestavan quinze còps dins las garas de Gordon, Solhac e Sarlat

s'arrestaràn pas mai.
La decision provoquèt, fa un an ja, la mobilizacion dels elegits e la creacion d'una associacion de defensa d'aquelas garas. Après de discussions amb la SNCF, obtenguèt que foguèsson restablits cinc arrèstes. mas l'associacion estima qu'es pas pro e que cal restablir lo servici public tal coma èra abans. Per aquò far an decidit d'arrestar, eles,

los trins per que siá permés a de viatjadors de montar o de davalar, que los trins vengan de Tolosa o de París. Atal cada diluns e cada divendres de membres de l'associacion venon en gara de Solhac o de Gordon justa abans lo passatge del trin. En se metent sus las vias permeton al trin de s'arrestar lo temps de daissar davalar o pujar los viatjadors. E a cada còp i a de monde per se mobilizar.